O centro cultural Carvalho Calero presta servizo no barrio do Ensanche A (Praza do Inferniño) desde o ano 1993. O edificio leva o nome do profesor Ricardo Carvalho Calero, Fillo Predilecto de Ferrol e autor de numerosa obra de narrativa, ensaio e teatro. A Real Academia Galega dedicoulle o Día das Letras Galegas no ano 2020.
O edificio dispón dun auditorio e unha sala de exposicións entre outras instalacións e normalmente é sede de cursos destinados aos veciños e veciñas do barrio, xa que a entidade veciñal do Ensanche A ten nel o seu local. Tamén utiliza estas dependencias como sede social a Agrupación Folklórica e Cultural Terra Meiga e é o lugar habitual de ensaio das representacións teatrais da Asociación Amistad de Santa Mariña.
FICHA TÉCNICA
Dirección: Praza do Inferniño s/n. 15403 Ferrol
Teléfono: 981 944 186
Horario: Inverno (1 de outubro a 31de maio): Luns a venres de 10.30 a 13.00 e de 17.00 a 20.00 horas. Verán (1 de xuño a 30 de setembro): Luns a venres de 9:00 a 14:00